¿Estás preparada ou preparado para amosar o teu talento?

Esta entrada fue escrita y publicada originalmente para el espacio www.cixug.gal, el 9 de junio de 2017.


Pequenos detalles do noso perfil profesional poden marcar as diferencias entre xerar interese ou non, por iso cobra especial importancia o coidado da nosa identidade dixital e da nosa reputación online.

Na procura de emprego, Internet tamén está presente, non so a través dos diversos informes que relacionan os perfís mais demandados coas TIC, tamén nos procesos de procura, tanto pola banda dos candidatos e candidatas como pola banda das consultoras e departamentos de recursos humanos.

Dentro do ámbito 2.0, os espazos sociais son as plataformas que moitos empregamos para comunicarnos tanto social como profesionalmente. A información que nestes espazos deixamos tanto directa como indirectamente, constitúe unha fonte de información valiosa que complementa a nosa traxectoria vital e tamén a nosa traxectoria profesional.

Segundo o informe ‘Estudio anula Redes Sociales 2017desenvolto por iabSpain, un 86% dos internautas de entre 16-55 anos empregan redes sociais (aproximadamente uns 19 millóns de usuarios en España), o 46%  dos participantes posúen estudos universitarios. O 31% destes empregan os espazos para fines profesionais ou de estudo.

As empresas non son ignorantes deste feito, segundo o ‘Informe 2016 INFOEMPLEO-ADECCO Redes Sociales y Mercado de Trabajo’, no que participan tanto profesionais do ámbito dos Recursos Humanos como candidatos que buscan emprego, en España, as Redes Sociais son empregadas para detectar candidatos e candidatas afíns a cultura da empresa; ademais de portais específicos de emprego, Linkedin ( a ela acoden o 74% dos reclutadores que fan uso das Redes Sociais para atopar perfís de interese, segundo o estudo)  e a Rede Social mais empregada para atopar candidatos e candidatas e descubrir talento.

Neste momento, onde pequenos detalles do nos perfil profesional poden marcar as diferencias entre xerar interese ou non, cobra especial importancia o coidado da nosa identidade dixital e da nosa reputación online. Segundo a referencia anterior, un 86% das empresas consultan os espazos sociais dos preseleccionados antes de tomar unha decisión de contratación.

Se queres prepararte para amosar o mellor de ti, podes comezar por:

  1. Presentarte a través da creación dun cartón de presentación virtual onde te definas de xeito profesional.
  2. Abrir un blogue técnico / profesional onde poidas falar do que mellor coñeces e sabes facer.
  3. Desenvolve o teu perfil no LInkedin e participa en grupos afíns ao teu perfil e actividade profesional.
  4. Emprega Twitter para seguir aprendendo e coñecendo a túa contorna profesional.

E ti, ¿estás preparada ou preparado para amosar o teu talento?

Se queres coñecer mais sobre identidade dixital, marca persoal e reputación online ademais de especializarte na Orientación e Inserción Laboral, revisa o noso Posgrao de Especialización.

Anuncios

About.me: É sobre min

Guía para comezar a crear a nosa Identidade Dixital a partir dunha tarxeta virtual no espazo about.me

Twitter: unha aproximación para a conversa

Twitter unha aproximación para a conversa é unha pequena guía para comenzar a empregar este espazo como parte da nosa #IdentidadeDixital e para a creación e fortalecemento do noso #PLE e a nosa #PLN .